طنش .....!!! نكته زى اسلام صحبها

من الاول اهو لو سمعت كلامى تقولى على النتيجة فى خلاص 10 سنين
عاوز تطنش و تبقي واد مخلص شوف شويه النصايح دي و عن تجارب في بشر عملوا بيها مقديين حياتهم تمام قوي و كلو اخر هنا عشان طنشوا و عاشوا الحياه طول و عرض
ـــــــــــــــ
الطناش الاول
طنش للبنات اكييد البنات دول حاجه جامده موت بس في كلام تاني اجدع منهم عندك مثلا دينك و درستك و مستقبلك. لكن لو سعتك خلاص افشه في دماغك حوار البانات روح اتجوز اجدع. و اهم حاجه لو اتجوزت نفض لحماتك نهائي
ـــــــــــــــــــــــــ
الطناش التاني
طنش و احلق لي نفسك اساسا و متوجعش نفوخك بحوار الفلوس و الجراد والكلام ده هتلاقي نفسك ماشي اخر تمام
ــــــــــــــــــــــــــ
الطناش التالت
طنش كل الناس اللي مش طالباهم يعني اللي مقديها حسد و اللى عاوزك مصلحة عشان عربيتاك والعالم دى عشان مش هيفرئو معاك في حاجه انت واد جامد
ــــــــــــــــــــــــــ
الطناش الرابع
ده موهم قوي ركز فيه
طنش حوارات المظاهرات و الكلام ده في الجامعه يعني هتغير الكون كده قضيها يا معلم اجدع
ــــــــــــــــــــــ
الطناش الخامس
طنش مديرك و شغلك و مشيها بنظام محدش بيموت من الجوع يعني اشتغل اه بس كده بنظام بدل الاعده في البيت او علي القهوة
ـــــــــــــــــــــ
الطناش السادس
-طنش لبسك يعني البس اي حاجه انت حر بس متهبلش في اللبس برضه شكلك مهم يا عم
ـــــــــــــــــــــــ
الطناش السابع
طنش اي حاجه هتنكد عليك عيشتك يعني زي واحد صحبك عمال يعمل حركات كده اي كلام او حوارات عندك في بيتكو طنش الكلام ده عشان تعيش فريش
ــــــــــــــــــــــــ
الطناش التامن
لو اهلك اعدو يكلموك في اي حوار مش عاجبك متعملش فيها عنتر و تجادل عشان مش هتستفاد حاجة غير انهم هيقفشوا عليك اكتر طنش و في اخر الكلام قول حاضر ...كلمه حاضر بتريح
ــــــــــــــــــــــــ
الطناش التاسع
ده بقي اهم حاجه
طنش حوار الفلوس عشان ده حوار فاشل هتعد تفكر فيه هتتعب و متبصش علي غيرك ياعم ارضي باللي ربنا ادهوللك متوجعش دماغك بفولان جاب ايه و علان اشترى عربية ايه عادي قديها كله في النهاية بيتساوه. والحوار ده بزات للبنات تعد بقي تقول اصل فيفي جابت *** و تيتي عملت *** طنشى و عيشى عادى
ــــــــــــــــــــــــ
الطناش العاشر
طنش لحوار المخدرات و اللي يقولك جبت بوب او صاروخ جامد قوي و الهطل ده يا عم صحتك و حرام فطنش للكلام ده كله احسنلك
ــــــــــــــــــــ
الطناش الحداشر
طنش للجرايد و الاخبار كلها كلام يوجع الدماغ و بوش ناوي يضرب ميين و بن لادن ظهر فيين كله حوارات توجع نفوخك شوفلك فيلم اجدع تتفرج عليه
ـــــــــــــــــ
الطناش الاتناشر
طنش الكليبات اللي تجيبلك شلل مش عارف مين عملت *** مع حصان و مين مع *** و ده طالع ياخد دش و دي عملي سباك نفض للمناظر دي يا عم بلا حرقة دم.
ـــــــــــــــــــــ
الطناش التلاتاشر
طنش شرب السجاير يعني فاكر نفسك شمشون و انت بتشربها من ورا اهللك طب استرجل و قول لي اهلك بص ياعم روح العبلك لعبة افيدللك
ــــــــــــــ
الطناش الاربعتاشر
طنش للسياسة يعني انت فاكر انك صلاح الدين الايوبي و خلاص هتحرر القدس اشتري دماغك يا معلم و عيش الحياة
ــــــــــــــــــــــــ
الطناش الخماستاشر
طنش حوار انك تمشى تعاكس دي و تنح علي دي يعني لو اختك ماشيا ترضي يجرلها كده ياعم خليك راجل الرجوله ادب مش اي كلام.
ــــــــــــــــــــــ
الطناش الستاشر
طنش كلام الناس عليك عشان من الاخر محدش بيعجبو اي حاجه و لو حبيت تريح الناس مش هتعرف تعيش حياتك يا بوب و ما توجعش دماغك
ــــــــــــــــــ
الطناش السبعتاشر
طنش دكاترة الجامعة و ما تعملش معاهم حوارات مالهاش لزمه عشان البشر دي لو افشو عليك خلاص يا زعيم كل سنه و انت طيب هتعد طول عمرك بتدرس و منتش متخرج من الجامعة فطنش لهم و شوف مستقبلك يا باشا.
ـــــــــــــــ
الطناش التمنتاشر

طنش الموضة اللي مالهاش لزمه يعني قشطه امشي علي الموضة بس اللي تناسبك يعني مثلا متحطليش حلق في ودنك و تقولي موضة.! ده ازاي بقي انشاء الله و لا هو اي حاجة و السلام.
ـــــــــــــــــــــ
الطناش التسعتاشر
طنش الطناش نفسه .....تسئلني ازاي اقولك معرفش بس طنش و السلام و كل حاجه هتبقي 100 100

التوقيع

اذا اردت شيئا بشدة فاطلق سراحه..فإن عاد اليك فهو ملك لك إلي الأبد و ان لم يعد فهو لم يكن لك من البداية